Naxçıvan şəhərində Azərbaycan Vətən Müharibəsi əlilləri və şəhid ailələri üçün 36 mənzilli yeni yaşayış binası istifadəyə verilib. Tədbirdə MR Əmək və Əhalinin Sosial Müdafiəsi naziri Azər Ələkbərov Azərbaycan Vətən Müharibəsi əlillərinə göstərilən qayğıdan danışıb. 1998 - 2005-ci illərdə MR-də bu kategoriyadan olan insanlara 80 ədəd, təkçə 2005-ci ildə isə 18 ədəd "OKA" markalı avtomobil verilib.
Mərasimdə iştirak edən NMR Ali Məclisinin sədri Vasif Talıbov yeni binada mənzil alacaq bütün ailələri təbrik edib. Sonra Talıbov yeni mənzil alanlara orderləri və açarları təqdim edib. Beşmərtəbəli binanın bütün mənzilləri 2 otaqlıdırr. Mənzillər işıq sistemi, istilik xətti, mətbəx avadanlıqları ilə təmin edilib. Bina "Uçar LTD" tikinti şirkəti tərəfindən tikilib. Zirzəmi əsasən mülki-müdafiə xarakteri daşıyır. Həmçinin müxtəlif əşyaların saxlanması üçün də şərait var. Binanın həyətı abadlaşdırılıb və ağaclar əkilib.