Xanlar rayonunda 2122 abunəçinin evində qaz sayğacı quraşdırılıb. Trend in bölgə müxbirinə bu barədə məlumat verən rayon Qaz İstismarı İdarəsinin rəisi Arif Əliyevin sözlərinə görə, Xanlarda ümumilikdə 2951 qaz abünəçisi var. Onlardan təxminən 70 faizi sayğacla təmin olunub. Hazırda sayğaclaşdırma işləri əsasən Balçılı və Qırıxlı kəndələrində aparılır.
A.Əliyev bildirir ki, rayonun mərkəzində hündürmərtəbəli binalarda qaz xətlərinin dəhlizə çıxarılması prosesinə də başlanılıb. Bunun üçün 480 ədəd xüsusi borular gətirilib. İlin sonuna kimi Xanlarda sayğaclaşdırma işlərinin sona çatdırılması planlaşdırılır.
