İyul- avqust aylarında Xanlar rayonunda 82 ailə ünvanlı sosial yardım alıb. Trend in qərb bürosuna bu barədə məlumat verən rayon Əhalinin Sosial Müdafiə Mərkəzinin direktoru Tamara Abbasovanın sözlərinə görə, mərkəzə bu günə kimi 2000 ailədən müraciət daxil olub.
Bunlardan 409 nəfərinin ərizəsi qəbul edilib və 244 ailənin 1070 nəfər üzvünə ünvanlı sosial yardım təyin olunub. Hazırda onlardan 82 ailənin hər bir üzvünə orta hesabla 9 manat 65 qəpik məbləğində pul verilir.
T.Abbasovanın sözlərinə görə, sentyabr ayı üçün 16 min 350 YAM məbləğində pul ünvanlı sosial yardım kimi imkansız ailələrə veriləcək.
