Ümumdünya Ticarət Təşkilatına daxil olmaq Azərbaycanın ən ali prioritetidir. Trend in xəbər verdiyi kimi, bu barədə oktyabrın 16-da Bakıda jurnalistlərə ABŞ-ın ÜTT-dəki səfiri Piter Algeyer bəyan edib.
O qeyd edib ki, bu fikri Azərbaycan prezidenti İlham Əliyev öz bəyanatlarında təsdiqləyir.
"Azərbaycanın ÜTT-yə daxil olması üçün siyasi iradə olarsa, ABŞ ölkəni dəstəkləməyə və bu istiqamətdə işləməyə hazırdır", - deyə diplomat vurğulayıb.
Onun sözlərinə görə, Bakıya səfəri çərçivəsində ölkənin rəsmi şəxsləri ilə bir sıra görüşlər keçirmək və onlarla gələcək fəaliyyəti müzakirə etmək niyyətindədir.