Naxçıvan MR-də yanvar-noyabr aylarında xarici ticarət dövriyyəsi artıb. Trend in Naxçıvan Bürosu KİV-ə təqdim olunmuş statistik məlumatlara istinadən xəbər verir ki, qeyd olunan müddət əzində regionda fəaliyyət göstərən müəssisə və təşkilatlar, fiziki şəxslər tərəfindən xarici dövlətlərlə aparılan ticarət əməliyyatları nəticəsində 74431,1 min ABŞ dolları həcmində xarici ticarət dövriyyəsi yaranıb.
Cari ilin yanvar-noyabr aylarında əhaliyə göstərilən rabitə xidmətlərinin həcmində də artım qeydə alınıb. Belə ki, qeyd olunan müddət ərzində Naxçıvan MR-də poçt və rabitə xidmətlərinin həcmi 9571,7 min manat təşkil edib. 2005-ci ilin yekunlarına görə isə bu rəqəm 9014,2 min manat olub.
Məlumatda regionun istehlak bazarında əmtəə dövriyyəsinin və pullu xidmətlərin həcmi də açıqlanılıb. Belə ki, bu ilin 11 ayı ərzində Naxçıvan MR-in istehlak bazarında əhaliyə 178 mln 107 min manatlıq istehlak malları satılıb və pullu xidmətlər göstərilib. Bu ilin yanvar-noyaba aylarında Naxçıvan MR-in Dövlət Büdcəsinə bütün mənbələr hesabına 23,7 mln manat vəsait daxil olub.
