Azərbaycan Demokrat Partiyasının (ADP) mərkəzi qərargahında partiya sədrinin birinci müavini Sərdar Cəlaloğlu bu gün - yanvarın 25-də ABŞ-ın Azərbaycandakı səfirliyinin siyasi məsələlər üzrə müşaviri xanım Rebeka Naslind ilə görüşüb. Bu barədə Trend ə ADP-dən məlumat verilib.
Görüşdə ölkədə ictimai-siyasi vəziyyət, enerji qiymətlərinin qaldırılması ilə əlaqədar keçirilməsi nəzərdə tutulan kütləvi aksiyalar, partiyanın bir sıra siyasi məsələlərlə bağlı mövqeyi və qarşılıqlı maraq doğuran digər məsələlər ətrafında fikir mübadiləsi aparılıb.
