Azərbaycan, Bakı / Trend müxbir E.Hüseynli/ Azərbaycan Fövqəladə Hallar Nazirliyinin (FHN) Akademiyası yaradılacaq. Nazirlikdən çərşənbə axşamı bildiriblər ki, akademiyanın gələn il yaradılması planlaşdırılıb. Akademiyanın yaradılmasında məqsəd Fövqəladə Hallar Nazirliyi sistemində çalışanların peşəkarlığını artırmaq, regionda mütəxəssislər hazırlamaqdır.
Prezident İlham Əliyev FHN-nin 2005-ci ilin dekabrında yaradılmasına dair fərman imzalayıb. Nazirlik 2006-cı ilin fevralından fəaliyyət göstərməyə başlayıb. Mülki Müdafiə, Yanğından Mühafizə, keçmiş Dövlət Ehtiyatlar Komitəsinin resursları FHN-nin strukturuna verilib.
Məlumatda bildirilib ki, hazırda mütəxəssislərin peşəkarlığının artırılması üçün FHN-nin işçiləri Moskvada fəaliyyət göstərən Fövqəladə Hallar Nazirliyinin Akademiyasında təhsil alırlar.
