Azərbaycan, Bakı / Trend müxbir K.Ramazanova/ Avropa Şurasının Venesiya komissiyası Azərbaycanın "Sərbəst toplaşmaq azadlığı haqqında qanun"a dəyişikliklərlə bağlı təkliflərini bəyənir, lakin hesab edir ki, sənədin Avropa standartlarına çatdırılması üçün bəzi nüanslar var. Bu barədə Trend ə Venesiya Komissiyasının Konstitusiya əməkdaşlığı şöbəsinin rəhbəri Simona Qranata Menqxinini birdirib.
O, bu bəyanatı Venesiya Komissiyasının 73-cü plenar sessiyasında Azərbaycanda sərbəst toplaşmaq azadlığı məsələsi ilə bağlı müzakirələrdən sonra edib. ""Sərbəst toplaşmaq azadlığı haqqında" Qanun o vaxt Avropa standartlarına uyğun ola bilər ki, Azərbaycan Parlamenti təklif olunan dəyişiklikləri tam şəkildə və şərtsiz qəbul etsin" Menqxinini deyib.
Onun sözlərinə görə, dəyişikliklər 9-cu maddəyə şamil edilməlidir. O, həmçinin bildirib ki, bu, geniş müzakirələr tələb edən məsələdir, o cümlədən vətəndaş cəmiyyəti ilə. Venesiya Komissiyası bu məsələdə Azərbaycan hakimiyyətinə köməklik göstərməyə hazırdır.
Venesiya Komissiyasının 73-cü plenar sessiyası dekabrın 14-də öz işinə başlayıb. Burada həmçinin Monteneqronun Konstitusiyası, Kosovo və Serbiyadakı vəziyyət və diqər məsələlər müzakirə edilib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
.jpg)
.jpg)
.jpg)
