Azərbaycan, Bakı, 14 fevral / Trend , müxbir Z.Səfərov/ Cüdo üzrə qadınlardan ibarət Azərbaycan komandası fevralın 16-17-də Dünya Kuboku yarışının keçiriləcəyi Budapeşt şəhərinə yola düşüb.
Kollektivin tərkibinə Pekin Olimpiadasına düşmak üçün yaxşı şansa malik olan Kifayət Qasımova ( 57 kq), həmçinin Ramilə Yusubova ( 63 kq) daxil olub. Onlara İbadulla Şabanov rəhbərlik edəcək. Komanda yarışa bu yaxınlarda başa çatan Dünya Kubokunun keçirildiyi Parisdən yollanıb. Komanda yarış bitdikdən sonra burada təlim-məşq toplanışı da keçib.
K.Qasımova turnirdə iştirak etməyib. R.Yusubova isə bürünc medal uğrunda təsəlliverici görüşdə məğlub olub.
Eyni zamanda, kişilərdən ibarət komandamız Avstriyaya yollanıb. Burada lisenziya xarakterli Dünya Kuboku keçiriləcək.