Azərbaycan, Bakı, 05 iyun / Trend , müxbir K.Zərbalıyeva/ Prezident yanında Dövlət Qulluğu Məsələləri üzrə Dövlət Komissiyası 12 dövlət orqanında 142 vakant dövlət qulluğu vəzifəsinin tutulması üçün müsabiqə elan edib.
Komissiyadan cümə axşamı verilən məlumata görə, vakant yerlərə sənəd qəbulu iyunun 5-dən başlayıb və 24-dək davam edəcək.
Müsabiqəyə çıxarılan 142 vakant dövlət qulluğu vəzifəsindən 83-ü Əmk və Əhalinin Sosial Müdafiəsi Nazirliyindədir.
16 yer Dövlət Şəhərsalma və Arxitektura və Dövlət Statistika Komitələrində, 7 yer Gənclər və İdman Nazirliyində, 5 yer İqtisadi İnkişaf Nazirliyində, 4 yer Tarif Şurasının Katibliyində, 3 yer Daşınmaz Əmlakın Dövlət Reyestri Xidmətində və Kənd Təsərrüfatı Nazirliyində, 2 yer Müəllif Hüquqları Agentliyində, 1 yer isə Sənaye və Energetika, Rabitə və İnformasiya Texnologiyaları nazirliklərində, Qaçqınların və Məcburi Köçkünlərin İşləri üzrə Dövlət Komitəsindədir.
Dövlət qulluğunun 6-9-cu təsnifatlarındakı vakant yerlərin tutulmasında azı 5 il qulluq stajı olan və dövlət orqanlarında inzibati vəzifələrdə çalışmış şəxslər iştirak edə bilərlər.
Müəlliflə əlaqə saxlamaq üçün elektron ünvan - [email protected]
