...

Gürcüstan Azərbaycanlıları Konqresi bu ölkənin prezidentinə müraciət edəcək

Cəmiyyət Materials 30 İyul 2008 16:43 (UTC +04:00)

Azərbaycan, Bakı, 30 iyul/ Trend , müxbir C.Babayeva/ Gürcüstan Azərbaycanlıları Konqresi (GAK) Gürcüstanın azərbaycandilli məktəbinin direktorunun fəaliyyətinin dayandırılmasını tələb edir.

Gələn həftə Konqres Kvemo Kartli regionunda Arıqlı kəndinin azərbaycandilli məktəbinin direktorunun pedaqoji fəaliyyətinin dayandırılması tələbi ilə bu ölkənin prezidenti, təhsil nazirliyi və parlamentinə müraicət edəcək. Bu barədə Trend - a GAK-ın sədri Əli Babayev məlumat verib.

Kvemo Kartli regionunda Arıqlı kəndində üç azərbaycanlı pedaqoq direktorun əmri ilə məktəbdən qovulub. GAK bəyan edib ki, pedaqoqları milli mənsubiyyətinə görə məktəbdən çıxarıblar. Pedaqoqlar və azərbaycandilli məktəbin direktoru arasında münaqişəyə Gürcüstanın Appelyasiya Məhkəməsində baxılır.

GAK üç azərbaycanlı pedaqoqun məktəbdən çıxarılmasını şagirdlərin, müəllimlərin və qəsəbə sakinlərinin hüquqlarının pozulması kimi qiymətləndirir. Məsələ Gürcüstanın Xalq Müdafiəçisinin (ombudsman) nəzarəti altındadır. Ombudsman GAK ilə birgə monitorinqdən sonra, bu faktı irqçilik kimi qiymətləndirib,- Babayev söyləyib.

"Məktəbin əksər gürcü pedaqoqları və şagirdlərin valideynləri məktəb direktorunun vəzifədən azad edilməsi üçün etiraz məktubu hazırlayıblar", - Babayev bildirib.

Gürcüstan Azərbaycanlıları Konqresi fevralın əvvəlində, bu ölkədə fəaliyyət göstərən 12 Azərbaycan QHT tərəfindən təsis edilib. Konqresin məqsədi azərbaycanlıların gürcü cəmiyyətinə inteqrasiyasına yardım və onların problemlərinin həll yollarının axtarılmasıdır.

Müəlliflə əlaqə saxlamaq üçün elektron ünvan- [email protected]

Xəbər lenti

Xəbər lenti