Azərbaycan, Bakı,31 iyul / Trend , müxbir K.Zərbalıyeva/ Bakı Apellyasiya Məhkəməsi Müstəqil Türkiyə Partiyasının sədr müavininin şikayətini təmin etməyib. Bu haqda cümə axşamı məhkəmədən məlumat verilib.
Partiyanın sədr müavini Mehmet Harun Kayaçı, Türkiyə vətəndaşı Gökhan Dəmir və Azərbaycan vətəndaşı Lənkəran Səfərovun barəsində Yasamal rayon məhkəməsinin çıxardığı hökm qüvvədə saxlanılıb.
Kayaçı Azərbaycanda hüquq-mühafizə orqanlarının əməkdaşlarının qanunsuz dini təbliğatın qarşısının alınması ilə bağlı keçirdikləri əməliyyat nəticəsində tutulub. Onlar Cinayət Məcəlləsinin dini məzhəbləri yaymaq və dini ayinlərin icrası adı altında fəaliyyət göstərən ictimai asayişi pozma, yaxud vətəndaşların sağlamlığına zərər vuran və ya formasından asılı olmayaraq, vətəndaşların hüquqlarını pozan, habelə vətəndaşların qanunla müəyyən edilmiş vəzifələrini yerinə yetirməkdən yayındıran qrup təşkil etmə, ona rəhbərlik etmə (168.1-ci) maddəsi ilə təqsirləndirilirlər.
Yasamal Rayon Məhkəməsinin hökmü ilə Kayaçı və Səfərov islah işlərinə məhkum edilib. Dəmir isə, şərti maliyyə vahidinin 500 misli məbləğində cərimə olunub.
Kayaçı ötən ilin oktyabrında Hərbi Prokurorluğ tərəfindən həbs olunub.
Müəlliflə əlaqə saxlamaq üçün elektron ünvan - [email protected]
