Azərbaycan, Bakı, 1 dekabr /Trend, müxbir M.Əliyev/
Dünyada baş verən seysmik hadisələr Azərbaycanda da izləniləcək və digər mərkəzlərlə birgə araşdırılıb təhlil ediləcək.
Azərbaycan Milli Elmlər Akademiyasının (AMEA) Geologiya İnstitutundan çərşənbə günü Trend-ə bildiriblər ki, bu məsələ İspaniyanın paytaxtı Madriddə keçirilmiş "Şərqi Avropa ölkələrindəki Milli Məlumat Mərkəzlərinin texniki heyətləri üçün ətraflı təlim/potensialın gücləndirilməsi kursu" adlı toplantıda müzakirə edilərək təsdiq olunub.
Müşahidə və araşdırmaları AMEA Geologiya İnstitutunun nəzdində fəaliyyət göstərən BMT-nin Nüvə Sınaqlarının Hərtərəfli Qadağan Olunması üzrə Müqavilə Təşkilatının (CTBTO) Azərbaycan Milli Məlumat Mərkəzi həyata keçirəcək.
Madridə Avropanın 12 ölkəsinin iştirak etdiyi tədbirdə Azərbaycanda CTBTO-nun stansiyasının təşkil edilməsi də müzakirə olunub və nəzərdə tutulub.
