Azərbaycan, Bakı, 13 yanvar /Trend, müxbir Z.Əhmədova/
Azərbaycanda 2010-cu ildə aparılan monitorinqlər zamanı 73 aptekin xüsusi icazə olmadan fəaliyyət göstərdiyi aşkarlanıb. Bu barədə Trend-ə Səhiyyə Nazirliyinin mətbuat xidmətindən bildiriblər.
Qurumdan bildiriblər ki, 2010-cu il ərzində keçirilən monitorinqlər ölkədə 860 apteki əhatə edib. Yoxlamalar nəticəsində 73 aptek fəaliyyətinin qeyri-qanuni olması səbəbi ilə bağlanılıb.
Xəbərdarlıq edildikdən sonra fəaliyyətini davam etdirməsi üçün 42 aptek barədə müvafiq protokollar tərtib olunub.
2010-cu il ərzində aparılan yoxlamalar zamanı 26 587 qutu sertifikatsız və istifadə tarixi göstərilmədən satılan, 415 qutu istifadə tarixi ötmüş dərman preparatı aşkarlanıb.