Azərbaycan, Bakı, 15 yanvar /Trend, müxbir K.Zərbalıyeva/
Ötən il Bakıda yol qəzalarında 22 azyaşlı dünyasını dəyişib.
Bakı şəhər Dövlət Yol Polisi İdarəsinin İctimaiyyətlə əlaqələr şöbəsinin rəisi Vaqif Əsədov şənbə günü Trend-ə bildirib ki, paytaxtda azyaşlılarla bağlı 99 yol qəzası qeydə alınıb və nəticədə 22 nəfər həlak olub, 84 nəfər xəsarət alıb.
Əsədovun sözlərinə görə, ölənlərin 21-i, xəsarət alanların 20-si 6 yaşadək uşaqlar olub.
Qəzalarda məktəbyaşlı 13 uşaq dünyasını dəyişib, 64 nəfər xəsarət alıb.
Ötən ilin müvafiq dövrü ilə müqayisədə azyaşlılarla bağlı 8 hadisə, 15 yaralı sayı azalıb, 1 ölüm faktı artıb.
Əsədov bu faktın narahatlıq doğurduğunu vurğulayıb və valideynlərin, müəllimlərin, yol polisi əməkdaşlarının daha məsuliyyətli olmasını vacib sayıb.