Gürcüstan, Tbilisi, 22 aprel /Trend, müxbir N.Kirsxaliya/
Gürcüstanın energetika naziri Aleksandr Xetaquri Qardabani rayonunun Qaçiani kəndinə gəlib. O, daşqının yaratdığı vəziyyətlə yerində tanış olub.
Trend-in məlumatına görə, nazir deyib ki, Zemo-Avçala SES və Ortaçala SES-də böyük su axınının kənd istiqamətində hərəkət etməməsi və vəziyyətin ağırlaşmaması üçün suyun tənzimlənməsi aparılacaq.
Sahillərindən çıxan Kür çay Qaçiani kəndindəki əkin sahələrini yuyub aparıb. Sahildə yerləşən 80-ə yaxın ev subasma təhlükəsi altında qalıb. 9 evin özülü artıq sudadır. Səhərdən kəndə texnika səfərbər edilib, mütəxəssislər çalışır.
Kvemo-Kartli qubernatoru David Kirkitadze və yerli bələdiyyə rəhbəri də hadisə yerindədirlər.