Azərbaycan, Bakı, 6 sentyabr /Trend, müxbir İ.İsabalayeva/
Təhsil naziri yaş məhdudiyyətinə görə vəzifəsindən gedib-getməyəcəyi məsələsinə aydınlıq gətirib.
"O gün qəzetlərdən birində yazıblar ki, nazirin də 65 yaşı var. O niyə çıxmır? Əgər məsləhət olarsa, nazir də vəzifəsindən getməyə hazırdır. Vəzifə heç kəs üçün əbədi deyil", - Trend-in məlumatına görə, bunu çərşənbə axşamı Bakı təhsil işçilərinin sentyabr konfransında təhsil naziri Misir Mərdanov deyib.
Mərdanov əvəzedilməz nazir olmadığını da deyib.
"Hesab etmirəm ki, əvəzedilməz adamam. Heç kəs özünün vəzifəsindən getməsini faciə hesab etməməlidir", - nazir deyib.