Azərbaycan, Bakı, 28 yanvar /Trend/
Oğurluq etməkdə şübhəli bilinən Gürcüstan vətəndaşı, Lənkəran rayon və Bakı şəhər sakini tutulub.
Trend-in şənbə günü DİN-in saytına istinadən yaydığı məlumata görə, Xətai RPİ 35-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində yanvarın 9-da Musa Qurbanovun evindən oğurluq etmiş Gürcüstan vətəndaşı Əzəmət Xiyalov tutulub.
Nəsimi RPİ 22-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində isə yanvarın 27-də Azadlıq prospektində Bakı şəhər sakini Samir Tağıyevə məxsus mağazadan geyim əşyaları oğurlamış Lənkəran rayon sakini Akif Nəsirov saxlanılıb.
2011-ci il oktyabrın 28-də Eyvaz Hudulovun cibindən 1030 manat pul oğurlamış Bakı şəhər sakini, əvvəllər məhkum olunmuş Taleh Quliyev Binəqədi RPİ 5-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində tutulub.