...

Ədliyyə Nazirliyi qulluğa qəbulla bağlı növbəti müsabiqə elan edir

Cəmiyyət Materials 15 Fevral 2013 10:00 (UTC +04:00)
Ədliyyə Nazirliyinin Müsabiqə Komissiyası ədliyyə orqanlarına qulluğa qəbulla bağlı növbəti müsabiqə elan edir.
Ədliyyə Nazirliyi qulluğa qəbulla bağlı növbəti müsabiqə elan edir

Azərbaycan, Bakı, 15 fevral /Trend, müxbir İ.İzzət/

Ədliyyə Nazirliyinin Müsabiqə Komissiyası ədliyyə orqanlarına qulluğa qəbulla bağlı növbəti müsabiqə elan edir.

Ədliyyə Nazirliyinin mətbuat xidmətindən Trend-ə verilən məlumata görə, vakant ştat vahidləri əsasən nazirliyin icra xidmətində, regional ədliyyə və qeydiyyat şöbələrində, həmçinin digər ədliyyə sahələrindədir.

"Ədliyyə orqanlarında qulluq keçmə haqqında" Azərbaycan Respublikası Qanununa əsasən qulluğa qəbulla bağlı tələb və şərtlərə cavab verən ali hüquq təhsilli Azərbaycan Respublikası vətəndaşları göstərilən ədliyyə sahələrində çalışmaq üçün müsabiqəyə dəvət olunur.

Müsabiqədənin birinci mərhələsində - test imtahanında iştirak etmək üçün yalnız müvafiq ərizə ilə müraciət etmək kifayətdir. Ərizənin formasını Ədliyyə Nazirliyinin internet səhifəsindən və ya nazirliyin aparatından (ünvan: Bakı şəhəri, İnşaatçılar prospekti 1) götürmək olar. Test imtahanından uğur qazanmış namizədlərin digər sənədlərinin toplanması və yoxlanılması bu mərhələdən sonra həyata keçiriləcək və qanunvericiliklə müəyyən edilmiş tələblərə cavab verən şəxslər ikinci mərhələyə - söhbətə buraxılacaqlar.

Müsabiqədə iştirak etmək üçün ərizələr 2013-cü ilin fevral ayının 15-dən etibarən yuxarıda göstərilən ünvanda qəbul olunur (əlavə məlumat internet səhifəsi və ya 538-01-62, 538-08-15 nömrəli telefonlar vasitəsilə almaq olar).

Test imtahanının vaxtı və yeri barədə əlavə məlumat veriləcək.

Eyni zamanda bildirilir ki, nazirliyin penitensiar (Bakı şəhəri, Nizami küçəsi 114) və tibb xidmətlərinə (Bakı şəhəri, Bülbül prospekti 2), həmçinin Məhkəmə Ekspertizası Mərkəzinə (Bakı şəhəri, Xəqani küçəsi 14) qulluğa qəbulla bağlı müsahibədə iştirak etmək arzusunda olan şəxslərin sənədlərinin qəbulu həmin qurumlarda fəaliyyət göstərən müsabiqə komissiyaları tərəfindən davam etdirilir.

Məqalədə:
Xəbər lenti

Xəbər lenti