Azərbaycan, Bakı, 6 mart /Trend, müxbir İ.İzzət/
Azərbaycanın bəzi ərazilərinə qar yağsa da magistral yollar açıqdır və avtomobillərin hərəkəti üçün hər hansı problem yaranmayıb. Bu barədə Trend-ə Daxili İşlər Nazirliyinin Respublika Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Kamran Əliyev deyib.
Qeyd edək ki, Ekologiya və Təbii Sərvətlər Nazirliyi Milli Hidrometeorologiya Departamentinin verdiyi məlumata görə, martın 5-dən etibarən gün ərzində, martın 6-da gecə və səhər ölkə ərazisində hava şəraiti qeyri-sabit, güclü küləkli və yağıntılı keçir, bəzi yerlərdə qar yağır.