...

Qurban bayramı günlərində Azərbaycanda hava qeyri-sabit keçəcək, temperatur bir qədər enəcək

Cəmiyyət Materials 11 Oktyabr 2013 15:18 (UTC +04:00)
Ölkə ərazisində bir necə gün davam edən mülayim hava şəraitindən sonra oktyabrın 14-ü axşamdan hava yenidən qeyri-sabit keçəcək.
Qurban bayramı günlərində Azərbaycanda hava qeyri-sabit keçəcək, temperatur bir qədər enəcək

Azərbaycan, Bakı, 11 oktyabr /Trend, müxbir İ.İsabalayeva/

Ölkə ərazisində bir necə gün davam edən mülayim hava şəraitindən sonra oktyabrın 14-ü axşamdan hava yenidən qeyri-sabit keçəcək.

Ekologiya və Təbii Sərvətlər Nazirliyindən Trend-ə verilən məlumata görə, qeyri-sabit hava şəraiti oktyabrın 16-sı gündüzə kimi davam edəcək. Həmin müddətdə havanın temperaturu əvvəlki günlərlə müqayisədə 2-3 dərəcə enəcək, rayonlarda şimşək çaxacaq, yağış yağacaq.

Oktyabrın 14-ü axşamdan 16-dək davam edəcək hava şəraiti payız ayı üçün xarakterik sayılır. Həmin müddətdə müşahidə ediləcək hava şəraiti oktyabrın 3-dən 8-dək müşahidə edilən hava şəraiti kimi soyuq olmayacaq.

Bakıda havanın temperaturu hazırda 20-24 dərəcə isti olduğu halda, oktyabrın 14-dən 16-dək maksimal temperatur 16-20 dərəcə olacaq. Rayonlarda isə hazırda havanın temperaturu 20-25 dərəcə isti olduğu halda, oktyabrın 14-dən 16-dək 16-21 dərəcə isti olacaq.

Məqalədə:
Xəbər lenti

Xəbər lenti