Azərbaycan, Bakı, 26 dekabr /Trend/
Gəncədə şəhərin 2016-cı ildə Avropanın gənclər paytaxtı seçilməsi ilə bağlı tədbir keçirilib.
Trend Kəpəz TV-yə istinadən xəbər verir ki, tədbirdə Azərbaycan Prezidenti yanında Gənclər Fondunun icraçı direktoru Fərhad Hacıyev, Azərbaycan Respublikasının gənclər və idman naziri Azad Rəhimov, təhsil naziri Mikayıl Cabbarov, millət vəkilləri Asəf Hacıyev və Musa Quliyev iştirak edirlər.
Tədbirdə çıxış edənlər Gəncənin Avropanın gənclər paytaxtı seçilməsi ilə bağlı görüləcək işlərdən danışıblar.
Qeyd edək ki, qonaqlar ilk olaraq Gəncədə ulu öndər Heydər Əliyevin abidəsini ziyarət ediblər.
