Azərbaycan, Bakı, 20 yanvar /Trend/
Ukraynanın Televiziya Xəbər Xidmətinin (TSN) jurnalisti Nataliya Pisnya Kiyevin mərkəzində davam edən toqquşmalarda ayağından yaralanıb. Bu barədə Trend RİA Novosti-yə istinadən xəbər verir.
Milis və və müxalifət tərəfdarları arasında qarşıdurmalar Ukrayna paytraxtında dünən axşamdan başlayıb və hələ də davam edir.
Məlumata görə, jurnalistə ağrıkəsici iynə vurulub.
Daha əvvəl bildirilirdi ki, yaralananlar arasında "İzvestiya" qəzetinin və Azadlıq radiosunun əməkdaşları da var.