...

Göygöl və Qazax rayonlarının polis şöbələrində yoxlama aparılıb

Cəmiyyət Materials 12 May 2014 16:04 (UTC +04:00)
Müvəqqəti saxlama yerlərinə başçəkmələr həyata keçirilib.
Göygöl və Qazax rayonlarının polis şöbələrində yoxlama aparılıb

Trend-i buradan izləyin

Azərbaycan, Bakı, 12 may /Trend, müxbir İ.İzzət/

Müvəqqəti saxlama yerlərinə başçəkmələr həyata keçirilib.

Ombudsman Aparatının mətbuat xidmətindən Trend-ə verilən məlumata görə, bu günlərdə ombudsmanın Milli Preventiv Qrupunun üzvləri tərəfindən Göygöl və Qazax rayonlarının polis şöbələrinin (RPŞ) müvəqqəti saxlama yerlərinə (MSY) başçəkmələr həyata keçirilib.

Başçəkmələrdə məqsəd saxlanılma şəraiti, saxlanılan şəxslərlə rəftar və əvvəlki başçəkmələr zamanı verilmiş tövsiyələrin icrası vəziyyətinin öyrənilməsi olub.

Adıçəkilən MSY-lərin standartlara cavab verdiyi müəyyən edilib, başçəkmə zamanı Göygöl RPŞ-nin MSY-də saxlanılan şəxs olmayıb.

Qazax RPŞ-nin MSY-də saxlanılan şəxslər saxlanılma şəraiti və müəssisə əməkdaşlarının onlara qarşı rəftarı ilə bağlı şikayət etməyiblər. Onların şəxsi işlərinə və saxlanılanların qeydiyyatı kitablarına baxış keçirilib, nöqsan aşkar edilməyib.

Həmin müəssisələrin rəhbərliyinə saxlanma şəraitinin daha da təkmilləşdirilməsi ilə əlaqədar tövsiyələr verilib.

Məqalədə:
Xəbər lenti

Xəbər lenti