...

Azərbaycan KİV Turindəki iri media forumunda iştirak edib

Cəmiyyət Materials 12 İyun 2014 17:59
Mətbuat dünyasının liderləri, o cümlədən Cənubi Qafqaz regionundan yalnız Trend İnformasiya Agentliyi və "Azernews" qəzeti Ümumdünya Redaktor Forumunda iştirak etmək üçün iyunun 9-11-də İtaliyanın Turin şəhərində toplaşıblar.
Azərbaycan KİV Turindəki iri media forumunda iştirak edib

Trend-i buradan izləyin

Azərbaycan, Bakı, 12 iyun /Trend, müxbir K.Salhani/

Mətbuat dünyasının liderləri, o cümlədən Cənubi Qafqaz regionundan yalnız Trend İnformasiya Agentliyi və "Azernews" qəzeti Ümumdünya Redaktor Forumunda iştirak etmək üçün iyunun 9-11-də İtaliyanın Turin şəhərində toplaşıblar.

Belə irimiqyaslı tədbirdə Azərbaycan KİV-in iştirakı ölkə mediasının səviyyəsinin göstəricisidir.

Forumun əsas müzakirə mövzuları "Snouden işi"nin nəticələri və jurnalistikanı "Snouden erası"ndan qorumaq üçün lazımi tədbirlər, mobil bazar, qlobal jurnalistika məsələsi, qadın redaktorların yüksəliş və enişi, baş redaktorların artan rolu və s. məsələlər olub. Turində toplaşmış media nümayəndələrini narahat edən digər məsələ jurnalistlərə qarşı hücumlar olub.

Bütün bu məsələlər forumun yekunu olaraq dərc edilən "Nyusrumda tendensiyalar" hesabatında əksini tapıb. Hesabat xəbərlər dünyasında "ideya liderləri" olan "The Guardian" - Canin Gibson, "The New York Times" - Marqaret Sallivan, "Knight Foundation" - Mixail Manes, "Twitter" - Vivian Şiller və "National Media Group" - Cozef Odindo ilə müsahibə və dərin təhlili də əks etdirir.

Ümumdünya Redaktorlar Forumunun prezidenti Erik Bjeraqer deyib ki, hesabatda daimi və çox sürətli texnoloji dəyişiklər fonunda xəbərlərin təkamülündən danışılır: "Rəqəmsal texnologiyalar sahəsində amansız uğurlar bundan sonra da xəbərlərin bəhsini müəyyənləşdirəcək".

Məqalədə:
Xəbər lenti

Xəbər lenti