...

Təbrizdə özünü asan Azərbaycan vətəndaşının meyiti tez bir zamanda Vətənə göndəriləcək

Cəmiyyət Materials 7 İyul 2015 17:27
Xarici İşlər Nazirliyi (XİN) Təbrizdə Azərbaycan vətəndaşının meyitinin asılmış vəziyyətdə tapılması xəbərinə münasibət bildirib.
Təbrizdə özünü asan Azərbaycan vətəndaşının meyiti tez bir zamanda Vətənə göndəriləcək

Trend-i buradan izləyin

Azərbaycan, Bakı, 7 iyul /Trend/

Xarici İşlər Nazirliyi (XİN) Təbrizdə Azərbaycan vətəndaşının meyitinin asılmış vəziyyətdə tapılması xəbərinə münasibət bildirib.

Trend-in məlumatına görə, XİN-in mətbuat xidmətinin rəhbəri Hikmət Hacıyev bildirib ki, 6 iyul 2015-ci il tarixində KİV-də yayılmış məlumata əsasən İran İslam Respublikasının Təbriz şəhərində yerləşən "Cahannamə" mehmanxanasında bir nəfərin meyitinin asılmış vəziyyətdə tapıldığı və həmin şəxsin Azərbaycan Respublikası vətəndaşı olduğu bildirilib: "Xarici İşlər Nazirliyinin təlimatı əsasında Azərbaycanın Təbrizdəki Baş konsulluğu İİR-in aidiyyəti orqanları ilə əlaqə saxlayıb və bu şəxsin 1969-cu il təvəllüdlü Azərbaycan Respublikası vətəndaşı Həşimov Ədalət Həsən oğlu olduğu bildirilib".

O, qeyd edib ki, hazırda Təbriz şəhərinə gəlmiş mərhumun yaxın qohumlarına lazımi dəstək və konsulluq yardımı göstərərək, Baş konsulluq meyitə baxışın keçirilməsi, eləcə də mərhumun cənazəsinin mümkün olan ən qısa müddət ərzində Azərbaycana göndərilməsi üçün təxirəsalınmaz tədbirlər həyata keçirir.

Məqalədə:
Xəbər lenti

Xəbər lenti