Bakı. Samir Əli - Trend:
Bu gün Bakı Ağır Cinayətlər Məhkəməsində hakim Mirzə Xankişiyevin sədrliyi ilə dələduzluqda təqsirləndirilən 1972-ci il təvəllüdlü Faiq Qazıyevin cinayət işi üzrə məhkəmə prosesi yekunlaşıb.
Trend-in məlumatına görə, prosesdə təqsirləndirilən şəxsə hökm oxunub. Məhkəmənin hökmü ilə F.Qazıyev 8 il müddətinə azadlıqdan məhrum edilib.
İttihama görə, F.Qazıyev Cinayət Məcəlləsinin 178.3.2-ci (dələduzluq; külli miqdarda ziyan vurmaqla törədildikdə) maddəsi ilə ittiham edilib. O, Bakı şəhər sakinlərinin etimadını qazanaraq onlara qarşı dələduzluqda təqsirləndirilir.