Bakı.Trend:
Son 3 ildə ölkə üzrə internetin sürəti üç dəfə artıb.
Trend xəbər verir ki, bunu bu gün İnformasiya Kommunikasiya Texnologiyaları Agentliyinin (İKTA) İdarə Heyətinin sədr müavini Ceyhun Hüseynzadə jurnalistlərə açıqlamasında deyib.
O qeyd edib ki, Azərbaycanda internetin sürəti zəif deyil.
“Ölkədə "Onlayn Azərbaycan" layihəsi çərçivəsində GPON texnologiyalarından istifadə 100 %-ə çatıb. GPON texnologiyası əvvəlki digər texnologiyalardan daha sürətli internet təmin etmək qabiliyyətinə malikdir”,- deyə o qeyd edib.