Bakı. Trend:
Naxçıvan Muxtar Respublikası Təhsil Nazirliyinin Monitorinq Mərkəzinin portalı vasitəsilə IV sinif şagirdləri üçün "Rəqəmsal Qiymətləndirmə Monitorinqi" təşkil olunub.
Trend xəbər verir ki, bu barədə Naxçıvan MR Təhsil Nazirliyi məlumat yayıb.
Bildirilib ki, qiymətləndirmə vasitələri açıq və qapalı test formatında hazırlanaraq https://nmr.notetonotes.com platformasında yerləşdirilib.
Şagirdlər portalda şəxsi kabinet yaradaraq tapşırıqlarla tanış olub, cavablandıra bilərlər.
️"Rəqəmsal Qiymətləndirmə Monitorinqi"nin əsas məqsədi təhsildə rəqəmsal bacarıqları təşviq etmək, qiymətləndirmə prosesinin əlçatanlılığını təmin etməklə şagirdlərin hazırki tədris proqramına uyğun olaraq bilik səviyyələrini izləməkdir.