Bakı. Trend:
ADA Universiteti 2025–2026-cı tədris ili üçün dövlət sifarişi əsasında ayrılan yerlərin sayını və 2024-cü ilin keçid ballarını açıqlayıb.
Trend-in xəbərinə görə, bu barədə ADA Universitetində dövlət sifarişli yerlərlə bağlı sessiyada məlumat verilib.
Bildirilib ki, I və II ixtisas qrupları üzrə ümumilikdə 180 dövlət sifarişli yer ayrılıb.
"I ixtisas qrupunda Kompüter elmləri üzrə 30 yer (keçid balı 652), Kompüter mühəndisliyi üzrə 30 yer (keçid balı 618), Riyaziyyat üzrə 30 yer (keçid balı 660), İnformasiya texnologiyaları üzrə 30 yer (keçid balı 626) ayrılıb.
Həmçinin, II ixtisas qrupunda Maliyyə üzrə 30 yer (keçid balı 579), İqtisadiyyat üzrə 30 yer (keçid balı 633) ayrılıb", - deyə əlavə edilib.
