Azərbaycan, Bakı, 30 iyun /müx. "TrendLife" Eldar Hüseynzadə/ Mədəniyyət və turizm Nazirliyinin səyi nəticəsində İncəsənət Muzeyi Luvrla əməkdaşlıq edəcək. "TrendLife"a İncəsənət Muzeyinin direktoru İsrafil İsrafilovun verdiyi məlumata görə, yeni layihələr hazırlanır: "Bizim muzey Luvrda keçirilən islam ölkələri incəsənəti ekspozisiyasının açılışında iştirak edəcək. Layihə maraqlı olacaq. Hazırda isə Azərbaycandan hansı eksponatların orada nümayiş olunması üzərində işləyirik".