Gürcüstan, Tbilisi / Trend , müx. N.Kirtsxalia / Azərbaycan yığması (U-19) Tbilisidə gürcü həmyaşıdları ilə özünün ilk yoxlama matçını uduzub. Artıq 10-cu dəqiqədə Şoniya və Pansxavanın qollarından sonra Gürcüstan yığması 2:0 irəlidə idi.
Matçın 16-cı dəqiqəsində isə Azərbaycan yığmasının oyunçusu Maksim Medvedev qırmızı vərəqə alaraq meydandan qovulub. Bu müddət ərzində Levan Keniyaya qarşı kobudluğa yol verdiyi üçün o, iki dəfə sarı vərəqə ilə cəzalandırılıb.
35-ci dəqiqədə Cavadov qollardan birinin əvəzini çıxa bilərdi, lakin bu, ona nəsib olmadı. Matçın ikinci hissəsində isə Qviniaşvili yığmamızın qapısından üçüncü qol keçirə bilib.
Sabah komandalar yenidən bir araya gələcəkər.
Qeyd edək ki, matçı seyr edənlər arasında AFFA baş katibi Elxan Məmmədov də olub. Dünən o, Gürcüstan Futbol Federasiyasının baş katibi Uça Uqulava ilə görüşüb. Görüşdə iki federasiya arasında əlaqələrin genişləndirilməsi və müxtəlif yaş qruplarında yoldaşlıq oyunlarının keçirilməsi haqda qərar qəbul edilib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
.jpg)
