Azərbaycan, Bakı, 10 yanvar /Trend/
Beynəlxalq Futbol Tarixi və Statistikaları Federasiyası (IFFHS) klubların dekabr ayı üçün növbəti reytinq cədvəlini açıqlayıb.
Trend-in məlumatına görə, 425 komandanın yer aldığı siyahıda Azərbaycandan iki komanda - "Neftçi" və "İnter" klubları yer alıb.
"Neftçi" ötən ilin noyabr ayı ilə müqayisədə 22 pillə irəliləyərək 191-ci yerə qalxıb. Son Azərbaycan çempionunun ehtiyatında 90,5 xal var. Aktivində 60 xal olan Bakının "İnter" klubu isə 15 pillə geriləyərək 425-ci yerə enib.
Siyahıya yenə də İspaniyanın "Barselona" klubu başçılıq edir. Kataloniya təmsilçisi 307 xalla bütün rəqiblərini qabaqlayır. "Çelsi" (İngiltərə) 279 xalla ikinci, "Boka Xuniors" (Argentina) 278 xalla üçüncü pillədə qərarlaşıb.