...

Fərid Mansurov olimpiadanın ulduz səfiri oldu

İdman Materials 9 İyul 2016 12:31 (UTC +04:00)
Bakı Şahmat Olimpiadasının növbəti ulduz səfirinin adı məlum olub.
Fərid Mansurov olimpiadanın ulduz səfiri oldu

Bakı. Trend:

Bakı Şahmat Olimpiadasının növbəti ulduz səfirinin adı məlum olub. Bu, yunan-Roma güləşi üzrə olimpiya və ikiqat dünya çempionu Fərid Mansurovdur.

Trend-ə turnirin mətbuat xidmətindən verilən məlumata görə, idmançıya xüsusi sertifikatı Bakı Şahmat Olimpiadası Əməliyyat Komitəsinin icraçı direktoru Murad İskəndərli təqdim edib.

Bakı Şahmat Olimpiadasının ulduz səfiri F.Mansurov təəssüratlarını bölüşüb: "Ulduz səfir olmaq məsuliyyətli və şərəfli işdir. Diqqətə görə Bakı Şahmat Olimpiadasının Əməliyyat Komitəsinə təşəkkür edirəm. Şahmata marağım hər zaman olub. Uşaqlıq illərindən şahmat oynamağı öyrənmişəm. Evdə vaxt olanda atam və ya qardaşımla şahmat taxtası arxasında mübarizə aparmağa imkan tapırdıq"

Bakı Şahmat Olimpiadası kimi mötəbər yarışın paytaxtımızda keçirilməsi sevindirici hal hesab edən F.Mansurov bildirib: "Ulduz səfir kimi mötəbər yarışın təbliğində yaxından iştirak etməyə çalışacağam. Olimpiadada 3000-ə yaxın idmançının iştirak etməsi yarışın güclü rəqabət şəraitində keçəcəyini göstərir. İnanıram ki, Bakı Şahmat Olimpiadası yüksək səviyyədə təşkil olunacaq. Eyni zamanda Azərbaycan şahmatçılarına uğurlar arzulayıram. Biz onlara inanırıq. Əminəm ki, komandamız olimpiadada layiqincə çıxış edəcək".

Xatırladaq ki, Bakıda təşkil olunacaq Şahmat Olimpiadası sentyabrın 1-də start götürəcək və 14-də başa çatacaq. Ölkəmizdə ilk dəfə baş tutacaq mötəbər yarış Crystal Hall-da keçiriləcək. Olimpiada günlərində paytaxtımızda həm də FİDE konqresinin növbəti iclası olacaq.

Məqalədə:
Xəbər lenti

Xəbər lenti