Bakı. Trend:
Rusiyada keçirilən futbol üzrə dünya çempionatında qrup mərhələsinin II turunun oyunları davam edir.
Trend-in məlumatına görə, E qrupunda Braziliya və Kosta Rika yığmaları qarşılaşıblar.
İlk hissə qolsuz bərabərə qalıb.
İkinci hissədə braziliyalı futbolçuların çoxsaylı hücumları yalnız 90+1-ci dəqiqədə nəticə verib - Koutinyo fərqlənib. Əlavə olunmuş 7-ci dəqiqədə isə Neymar son nöqtəni qoyub - 2:0.
Beləliklə, Braziliya 2 oyundan 4 xal qazanıb. Serbiya millisi 1 oyundan 3 xalla ikincidir.