Bakı. Trend:
Serbiyanın futbol üzrə yığma komandası Rusiyada keçirilən Dünya Çempionatı çərçivəsində İsveçrə millisinə məğlub olub.
Trend-in məlumatına görə, Kalininqrad şəhərində keçirilən oyun 1:2 hesabı ilə yekunlaşıb.
Oyunda hesabı 5-ci dəqiqədə Serbiya komandasının futbolçusu Aleksandr Mitroviç açıb. Bərabərlik qolunu 52-ci dəqiqədə Qranit Djaka vurub.
İsveçrəlilərin qələbə qolunu isə oyunun sonuncu dəqiqəsində Djerdan Şagiri vurub.
Beləliklə, "E" qrupunda ikinci turdan sonra birinci yerdə 4 xalla Braziliya komandasıdır. Onun ardınca 4 xalla İsveçrədir, Serbiya yığması 3 xalla üçüncü, Kosta-Rika isə 0 xalla sonuncu yerdə qərarlaşıb.