Bakı. Trend:
Rusiyada futbol üzrə Dünya Çempionatı davam edir.
Trend-in məlumatına görə, bu gün "F” qrupunda yer alan Cənubi Koreya və Meksika yığmaları qarşılaşıb. Oyun Meksika yığmasının 1:2 hesablı qələbəsi ilə yekunlaşıb.
Meksikanın qollarını Karlos Vela (26-cı dəqiqə, penal) və Xavyer Ernandes (66-cı dəqiqə) vurub, Cənubi Koreyanın yeganə qolunu isə Son Xın Min (90+3-cü dəqiqə) vurub.
Qeyd edək ki, iyulun 15-dək davam edəcək 21-ci mundialda 32 komanda 8 qrupda yarışacaq.
Oyunları Moskva (“Lujniki” və “Spartak” stadionları), Sankt-Peterburq (“Sankt-Peterburq”), Soçi ("Fişt"), Kazan (“Kazan Arena”), Kalininqrad (“Kalininqrad”), Nijni Novqorod (“Nijni Novqorod”), Volqoqrad (“Volqoqrad Arena”), Samara (“Samara Arena”), Saransk (“Mordoviya Arena”), Rostov-na-Don (“Rostov Arena”) və Yekaterinburq şəhərlərində (“Yekaterinburq Arena”) 12 stadionda keçiriləcək.
İyulun 14-də üçüncü yer uğrunda görüş, 15-də isə final matçı və bağlanış mərasimi olacaq.