Bakı. Trend:
Rusiyada keçirilən futbol üzrə Dünya Çempionatı çərçivəsində “D” qrupunun son oyunları keçirilib.
Trend-in məlumatına görə, “Rostov Arena” stadionunda Argentina və Nigeriya yığmaları qarşılaşıb. Oyun argentinalıların 2:1 hesablı qələbələri ilə başa çatıb. Argentina komandasının qollarını 14-cü dəqiqədə Lionel Messi, 86-cı dəqiqədə isə Markos Roxo vurub. Nigeriyanın oyunda yeganə qolunu isə penaltidən Viktor Moses vurub.
Qrupun digər oyunu Sankt-Peterburq şəhərində İslandiya və Xorvatiya komandaları aralasında keçirilib. Bu oyunda da hesab 2:1 olub. Xorvatiya yığması qələbə qazanıb. Qollar: Milan Badel (53’), Gilfi Siqurdson (pen.-76’), İvan Perişiç (90’).
Beləliklə, qrupda 9 və 4 xalla 1-ci və 2-ci yerləri bölüşdürən Xorvatiya və Argentina yığmaları “pley-off” mərhəlsinə vəsiqə qazanıblar.
1/8 final mərhələsində Argentina Fransa yığması ilə, Xorvatiya ilə Danimarka komandası ilə qarşılaşacaq.