Bakı. Trend:
Rusiyada keçirilən futbol üzrə Dünya Çempionatı çərçivəsində keçirilən 1/8 final oyununda Belçika və Yaponiya komandaları görüşüb.
Trend-in məlumatına görə, oyun 3:2 hesabı ilə belçikalıların xeyrinə yekunlaşıb.
İlk hissə 0:0 hesabı ilə bitib. İkinci hissənin əvvəlində, 48-ci dəqiqədə Genki Haraquçi və 52-ci dəqiqədə Takaşi İnui yaponların ardıcıl iki qol vuraraq Yaponiyanı hesabda irəli çıxarıblar.
Belçikalıların cavabı 69-cu dəqiqədə gəlib, Yan Vertongen fərqlənib. Daha sonra oyuna çıxan Maruan Fellaini oyunda hesabı bərabərləşdirib - 2:2.
Nəhayət, oyuna əlavə olunmuş dəqiqələrdə, belçikalılar əks hücum nəticəsində üçüncü və sonuncu qolu vuraraq oyunda qələbə qazanıblar. Bu dəfə Naser Şadli fərqlənib.
Beləliklə, Belçika yığması “DÇ-2018”in ¼ final mərhələsinə yüksəlib, onun rəqibi Braziliya yığması olacaq.