Bakı. Trend:
Avropa Stolüstü Tennis Birliyinin təqvim idman planına müvafiq olaraq, 2019-cu ildə Avropa komanda çempionatının növbəti təsnifat mərhələsi keçiriləcək.
Trend Gənclər və İdman Nazirliyinə istinadən məlumat verir ki, 2 oktyabr 2018-ci il tarixində qadınlardan ibarət yığma komandamız Almaniya yığması ilə 15:00-da, kişilərdən ibarət millimiz isə saat 18:00-da Litva komandası ilə görüşəcək. Oyunlar Bakıda, "Şüa" İdman-sağlamlıq kompleksində keçiriləcək
Avropa Stolüstü Tennis Birliyinin yeni qaydalarına əsasən, Avropa komanda və şəxsi çempionatları bir il şəxsi və növbəti il komanda olmaqla keçiriləcək. 2019-cu ildə keçiriləcək Avropa komanda çempionatında 24 qadın və 24 kişi komandası iştirak etmək hüququna malikdir. Bu 24-lüyə düşmək üçün Avropa komandaları ev sahibi və səfərdə olmaqla təsnifat oyunlarında iştirak edirlər.