Bakı. Trend:
"Milan" klubunun portuqaliyalı forvardı Rafael Leau İtaliya futbol çempionatı tarixinin ən tez qolunu vurdu.
Trend-in məlumatına görə, 13-cü turun "Sassuolo" ilə səfər matçinda Leauya topu rəqiblərinin qapısından keçirməyə oyunun başlamasından 6.4 saniyə bəs etdi.
Əvvəlki rekord "Piyaçenza"nı təmsil edən italiyalı Paolo Poggi tərəfindən qoyulub. 2001-ci ildə Poggi "Fiorentina"ya qarşı matçda start fitindən 8,9 saniyə sonra qol vurub.
FK "Milan" 12 matçdan sonra 28 xalla İtaliya liqasında birinci yerdədir.