...

“SFA Federasiyası Kuboku 2021” adlı yelkənli qayıqların yarışı başa çatıb

İdman Materials 12 Sentyabr 2021 19:02 (UTC +04:00)
“SFA Federasiyası Kuboku 2021” adlı yelkənli qayıqların yarışı başa çatıb

Bakı. Trend:

Azərbaycan Yelkənli İdman Federasiyasının təşkilatçılığı ilə keçirilən “SFA Federasiyası Kuboku 2021” yarışı başa çatıb.

Federasiyadan Trend-ə verilən məluamta görə, sentyabrın 12-də Azərbaycan Yelkənli İdman Federasiyasının təşkilatçılığı ilə keçirilən “SFA Federasiyası Kuboku 2021” adlı yelkənli qayıqların yarışı başa çatıb.

3 gün davam edən turnirdə Azərbaycan Yelkənli İdman Federasiyasının, “Dənizçi”, “Xəzər Yaxt”, “Windsurfing Baku” klublarının 9-42 yaş arası yelkənçiləri və külək sörfçiləri iştirak edib. "Optimist” sinifi üzrə 9-15, "Ilca-4” sinifi üzrə 15-18, "Ilca-7” və "Open Windsurf” sinifləri üzrə isə 18 yaşdan yuxarı idmançılar qalibiyyət uğrunda mübarizə aparıblar. 35 idmançının iştirak etdiyi yarışa Yelkənli İdman Federasiyasının idman meneceri Burcu Algon Giorgian başçılıq edib. Yarışın son günü qaliblərin 4 qrup üzrə mükafatlandırılması mərasimi keçirilib.

Turnirin bütün iştirakçılarına isə sertifikatlar təqdim olunub. Qeyd edək ki, Azərbaycanda “SFA Federasiyası Kuboku 2021” yarışı artıq 5 ildir təşkil edilir.

Məqalədə:
Xəbər lenti

Xəbər lenti