Bakı. Trend:
Futbol üzrə Azərbaycan milli komandası FIFA reytinqində beş pillə irəliləyib.
Trend-in məlumatına görə, təşkilatın bu gün açıqladığı reytinq siyahısında Azərbaycan 1 146,72 xalla 123-cü yerdə qərarlaşıb.
Avqust ayında açıqlanmış reytinqdə Azərbaycan millisi 128-ci yerdə idi.
Reytinqə əvvəlki kimi Braziliya başçılıq edir. Belçika millisi ikinci, Argentina üçüncü yerdə qərarlaşıb.
Fransa, İngiltərə, İspaniya, İtaliya, Niderland, Portuqaliya və Danimarka ilk onluqda yer alıb.