Bakı. Trend:
İtaliya millisinin yarımmüdafiəçisi Jorjinyo Braziliya çempionatına keçə bilər.
Trend-in məlumatına görə, hazırda "Arsenal" klubunda çıxış edən, braziliyalı əsilli futbolçuya iki təklif gəlib.
33 yaşlı oyunçu ilə "Flamenqo" və "Palmeyras" klubları maraqlanır. Hər iki komandanın güclü maliyyə imkanlarının olması Jorjinyonun vətəninə qayıtmaq ehtimalını artırır. Braziliya mətbuatına görə, futbolçunun "Palmeyras" klubuna transfer olunma ehtimalı daha yüksəkdir.