Bakı. Trend:
Bu gün UEFA Konfrans Liqasının III təsnifat mərhələsinə start verilib.
Trend-in məlumatına görə, mərhələnin ilk oyununda yalnız bir görüş baş tutub.
Farer adalarını təmsil edən "Klaksvik" doğma meydanda Belarusun "Neman" klubunu 2:0 hesabı ilə məğlub edib. Qalib komandanın hər iki qolu ilk hissədə vurulub.
Qeyd edək ki, mərhələnin qalan qarşılaşmaları avqustun 7-də keçiriləcək.