Bakı. Trend:
UEFA Konfrans Liqasının III təsnifat mərhələsində cavab oyunlarına start verilib.
Trend-in məlumatına görə, “Başakşəhər” evdə Norveçin “Vikinq” klubunu qəbul edib.
Səfərdə 3:1 hesabı ilə qalib gələn İstanbul təmsilçisi bu dəfə rəqibin müqavimətini qıra bilməyib və oyun 1:1 hesabı ilə başa çatıb. Beləliklə, “Başakşəhər” iki görüşün nəticəsinə əsasən pley-off mərhələsinə vəsiqə qazanıb.
Türkiyə təmsilçisi növbəti raundda “Universitat Krayova” – “Spartak Trnava” qarşılaşmasının qalibi ilə üz-üzə gələcək.