Bakı. Trend:
İngiltərənin "Liverpul" klubunun heyətində ciddi itki baş verib.
Trend xəbər verir ki, Alisson Bekerdən sonra Mersisayd təmsilçisinin ikinci qapıçısı Giorgi Mamardaşvili də sıradan çıxıb.
Gürcüstanlı qolkiper Premyer Liqanın 33-cü turunun "Everton"la matçında (2:1) zədələnib. 25 yaşlı "əlcək sahibi" təxminən 2-3 həftə yaşıl meydanlardan uzaq qalacaq.
Qeyd edək ki, "Liverpul" Giorgi Mamardaşvilini 2024-cü ilin yayında "Valensiya"dan 30 milyon avroya transfer edib. Gürcüstan millisinin üzvü bu mövsüm "qırmızılar"In heyətində meydana çıxdığı 18 oyunda 29 qol buraxıb.