Bakı. Trend:
ABŞ Silahlı Qüvvələri Karib dənizində narkotik qaçaqmalçıları tərəfindən istifadə edildiyi iddia edilən gəmiyə zərbələr endirib. Nəticədə 3 nəfər həlak olub.
Trend-in məlumatına görə, bu barədə ABŞ Cənub Komandanlığı "X" sosial şəbəkəsində yazıb.
"Cənub Komandanlığı Komandanı Fransis Donovanın əmri ilə, 19 apreldə "Cənubi Nizə" Birgə Operativ Qrupu gəmiyə ölümcül zərbə endirib. Kəşfiyyat gəminin Karib dənizindəki məlum narkotik qaçaqmalçılığı marşrutları boyunca üzdüyünü və narkotik ticarəti üçün istifadə edildiyini təsdiqləyib", - deyə açıqlamada bildirilib.