Bakı. Trend:
Şimali Koreya bazar günü modifikasiya edilmiş "Hvasongpo-11ra" "yer-yer" taktiki ballistik raketini sınaqdan keçirib.
Trend-in məlumatına görə, bu barədə Koreya Mərkəzi Teleqraf Agentliyi xəbər verib.
"Aprelin 19-da Koreya Xalq Demokratik Respublikasının Baş Raket İdarəsi modifikasiya edilmiş "Hvasongpo-11ra" "yer-yer" taktiki ballistik raketlərinin döyüş başlığının gücünü qiymətləndirmək məqsədi ilə sınaq buraxılışı həyata keçirib", - deyə bildirilib.
Qeyd olunub ki, Şimali Koreya lideri Kim Çen In sınağı izləyib.