Bakı. Trend:
İranın şimal-şərqindəki Məşhəd hava limanı beynəlxalq uçuşları bərpa edəcək.
Trend-in məlumatına görə, bu barədə İran mediası xəbər verib.
Məlumata görə, təyyarələrin enişi və uçuşu aprelin 20-də bərpa olunacaq.
Daha əvvəl Tehran da daxil olmaqla, İranın altı hava limanında hava nəqliyyatının qismən bərpa olunduğu bildirilib.
Qeyd edək ki, ABŞ və İran arasında nüvə proqramı ilə əlaqədar konkret nəticələr əldə olunmadığına görə, 28 fevralda ABŞ və İsrailin İrana qarşı hərbi hava hücumlara başlayıb və İran da həmin gündən İsraili və ABŞ-nin regiondakı obyektlərini raket və PUA ilə atəşə tutub. Pakistanın vasitəçiliyi ilə tərəflər arasında 7 apreldə 2 həftəlik atəşkəs razılaşması əldə olunub. 11 apreldə ABŞ və İran arasında İslamabadda keçirilən danışıqlarda razılaşma əldə olunmayıb.